வேண்டுதல்

1. இன்னிக்கு எந்த ஹோம் ஓர்க்கும் குடுக்கக் கூடாது 
2. எப்படியாவது இன்னிக்கு ஒரு நாளாவது ஆபீசுக்கு நேரத்துல  போகணும் 
3.  இன்னிக்காவது ஆன் சைட் ஆள் கிட்ட திட்டு வாங்கக் கூடாது
4.  இந்த ஞாயிற்று கிழமையாவது காலையில் என் மனைவி காபி போடணும் 
5. போன வருஷம் பிறந்த பையனுக்கு , அடுத்த வருஷம் ப்ரீ ஸ்கூல்ல இடம் கிடைக்கணும் 
6.   எப்படியாவது ரேஷனில் பாமா யில் கிடைக்கணும் 
7. இந்த லீவுக்காவது மனைவிக்கு அவ அம்மா வீட்டுக்கு போறதுக்கு ரயில்ல பெர்த் கிடைக்கணும் - ரிடர்ன் டிக்கெட் பத்தி பரவாயில்லை
8.   இன்னும் ரெண்டு நாள் லீவு , அதுக்கு முன்னாடி மானேஜர்  கண்ணுல படக் கூடாது
9. எப்படியாவது எனக்கு காம்பஸ் இன்ட்டர்வ்யுவில் வேலை கிடைக்கணும் 
10. எப்படியாவது அசோசியேஷன் மீடிங்க்லேந்து தப்பிச்சு போஸ்ட் எடுத்துக்காம இருக்கணும்  

ஆண்டவா- இப்படி நான் உன்னிடம் நாளுக்கு நாள் எத்தனையோ வேண்டுதல்களை வைத்திருக்கிறேன் .

 இவை எல்லாவற்றையும் ஒதுக்கி விடு .  எனக்கு இன்று தேவை எல்லாம் இவை தான்:

 எப்படியாவது சச்சினுக்கு ஒரு நூறு குடு.

அப்படியே  இந்தியாவின் மானத்தையும் எப்படியாவது காப்பாற்று 

எப்படித் தோற்றாலும் எவ்வளவு முறை தோற்றாலும், நம் இந்திய வீரர்கள் சிரித்துக் கொண்டே  இருக்கிறார்கள் . அவர்களுக்கு அந்த ஆர்வத்தை எப்பொழுதும் கொடு

கடைசியாக , எங்களைப் போன்ற பாமர ரசிகர்களுக்கும் நல்ல மன வலிமையையும், எப்பொழுதும் மேட்ச் பார்ப்பதற்கு மின்சாரமும், தேவைப் பட்ட அளவுக்கு ஸ்கூல், காலேஜ் , ஆபீசுக்கு லீவும் குடு.

 இதுதான் எங்களது லேட்டஸ்ட் வேண்டுதல் - நிறைவேற்றுவாயா?

 இன்னொரு விளக்கமும் தேவை - இந்த IPL, Betting என்றால் என்ன?. யாருமே சொல்ல  மாட்டேங்கறாங்க 

இதுதான் , அப்பாவி இந்திய கிரிகெட் ரசிகனின் வேண்டுதல் - நியாயம்தானே ?